Mbushjet e zeza

Nga Dr. Lejla Luta

Specialiste e Stomatologjisë së Fëmijëve

Sot dua të trajtoj një temë e cila ka të bëje me mbushjet e zeza. Shumë të rritur por edhe fëmijë kanë mbushje te tilla ende në dhëmbë.

Mësoni përmes këtij postimi të shkurtër për përparësitë, disavantazhet e tyre, sa paraqesin rrezik për shëndetin e përgjithshëm.

Mbushjet e zeza

Mbushjet e zeza vendosen nga një materiali i cili quhet Amalgam i cili është përzierje e disa metaleve si argjend, zink kallaj bakër e zhivë.

Sot ende ka dilema se a janë apo s’janë të dëmshme, a duhet larguar ato të cilat ende i kemi ne dhëmbët tonë.Më poshtë do t’i përshkruajmë disa nga avantazhet dhe disavantazhet e këtyre mbushjeve:

Avantazhet (Përparësitë)

1)Fortësia (qëndrueshmëria) -të përshtatshme për dhëmbët anësor

2)Më të lira.

Disavantazhet (Të metat)

1) Sa janë te sigurta?

Amalgami përmban zhivë (merkur elementar) i cili lirohet nē sasi të vogël në formë te avujve nga mbushjet e zeza. Ekspozimi ndaj sasive të mëdha të këtyre avujve e rrezikon seriozisht shëndetin(veprim toksik veçmas ne tru dhe veshka).

Ndonëse sipas FDA-së ende nuk është vërtetuar efekti i dëmshëm i veprimit të zhivës nga mbushjet e zeza nga të cilat lirohet sasi e vogël e zhivës ,prapë ekziston rreziku potencial veçmas kur në gojë ka shumë mbushje të tilla.

Kjo është një prej arsye se pse këto mbushje përdorën çdo herë e më pak.

2)Estetika-përpos që nuk përputhet me indet natyrale(dhëmbin) me kohë e diskoloron dhëmbin( bëhet më i errët).

3)Dobësimi i dhëmbit-me kohë e dobëson dhëmbin me ç’rast mund të vjen deri te thyerja.

4)Sakrifikimi i strukturës së dhëmbit në mënyrë që mbushja e zezë te qëndrojë gjatë duhet larguar substancë e konsiderueshme e dhëmbit në mënyrë që të arrihet stabiliteti i mbushjes./FamiljadheShëndeti

Shpërndaje