Disa nga shkaktarët e dhimbjes së barkut

Shkruan: Dr. Besa Vranovci


Dhimbja e barkut mund të jetë e vazhdueshme dhe mund të ndodhë herë pas here. Kjo dhimbje nuk është një dhimbje shumë e rëndë dhe ndihet vetëm si një presion irritues. Dhimbja e barkut mund të rritet gjate aktivitetit fizik ose gjate perkuljeve dhe lakimeve. Dhimbja e barkut mund të jetë shqetësuese kur shkaku nuk dihet. Në këtë artikull, ne do të shqyrtojmë disa simptoma të përbashkëta, shkaqet dhe metodat e trajtimit të kësaj dhimbjeje. Shkaqet dhe trajtimi i dhimbjes së barkut Si kalon dhimbja e barkut? Shkaqet e mundshme të dhimbjes së barkut jepen me simptoma. Në këtë mënyrë, ju mund të zbuloni gjendjen që shkakton dhimbje.

1. Infeksioni i traktit urinar

Infeksioni i traktit urinar është një lloj infeksioni që fillon në traktin urinar dhe mund të përhapet në veshkat ndërsa përparon. Infeksionet e traktit urinar janë më të zakonshme tek femrat. Gjatë urinimit , mund të ndihet dhimbja, mund te shihet gjakderdhja dhe urina e turbullt.

Trajtimi: Ju mund të keni nevojë për antibiotikë për të pastruar këtë infeksion. Për të shmangur infeksionin, për të parandaluar përhapjen dhe parandalimin e dëmtimeve të avancuara, menjëherë konsultohuni me mjekun.

2. Appendicitis

Apendicitis është inflamacion i apendiksit apo zorrës së verbër. Dhimbja e barkut e shkaktuar nga apendiciti është e ngjashme me ndjenjën e dispepsis ose kapsllëkut. Në fillim, dhimbja përhapet dhe nuk qëndron në një zonë të caktuar. Është e dhimbshme kur shtypet rreth barkut, por është e vështirë të përcaktohet vendndodhja e tij e saktë. Ndërsa gjendja përparon, dhimbja do të zhvendoset në anën e poshtme të djathtë të barkut. Dhimbja përkeqësohet pas ecjes ose kollitjes. Simptoma të tjera përfshijnë ethe, kapsllëk, anoreksi, nauze, ose vjellje. Këto simptoma zakonisht fillojnë pas fillimit të dhimbjes.

Trajtimi: Hapi tjetër pas diagnozës është zakonisht operimi apo heqja e apendiksit. Pas operimit, pacienti do të ketë nevojë për shumë pushim dhe marrje të lëngjeve.

3. Infeksione bakteriale ose virale në stomak

Infeksionet në stomak shkaktojnë ndjeshmërinë e zonës rreth barkut. Disa infeksione bakteriale si dhe ato virusale mund të shkaktojnë fryrjen e stomakut. Kjo gjendje mund të përfshijë nauze, vjellje ose simptoma të ngjashme me ato të gripit.

Trajtimi: Nëse ndodhin këto simptoma, kërkoni këshilla mjekësore. Një antibiotik mund të jetë i nevojshëm për të pastruar efektivisht infeksionin.

4. Shtatzënia

Dhimbje e barkut gjatë shtatëzanisë: Dhimbja e barkut a është shenjë e shtatzënisë? Gratë shtatzëna shpesh përjetojnë dhembje barku. Kjo dhimbje nuk është e vazhdueshme ose e padurueshme, por është e rëndësishme të keni kujdes këtë sepse mund të jetë një shenjë e rrezikut të lidhur me gjendjen e foshnjës. Zakonisht kjo dhimbje ndodh sepse trupi fillon të përshtatet me foshnjën.

Trajtimi: Nëse ka dhimbje të forta, mund të tregojë një gjendje serioze siç është shtatzënia ektopike që kërkon ndërhyrje mjekësore.

5. Hernia kërthizore

Hernia kërthizës është një tjetër shkak i dhimbjes së barkut. Kjo ndodh kur organet në abdomen janë të detyruar të dalin nga vendet. Simptomat më të shpeshta të hernias janë dhimbja dhe ndjeshmëria e barkut në zonën e prekur.Kjo dhimbje rritet si rezultat i lëvizjeve të tilla si lakimi dhe ecja.

Trajtimi: Riparimi kirurgjik i indit të shqyer është procedura primare për herni. Çdo veprim që mund të përkeqësojë hernien duhet të shmanget pas trajtimit.

6. Problemet e pankreasit

Problemet në pankreas mund të shkaktojnë dhimbje rreth barkut. Këto probleme gjithashtu mund të shkaktojnë ethe, vjellje ose dhimbje koke.

Trajtimi: Nëse keni simptoma të diabetit ose nëse përjetoni dhimbje më të mëdha gjatë ditës, këto duhet të vihen në dukje për të ndihmuar mjekun të diagnostikojë gjendjen.

7. Sëmundje e zorrëve të holla

Zorrët e holla janë të mbështjellura rreth zonës së barkut . Nëse ka një infeksion, ose sëmundje të tjera në zorrë do të shkaktojnë dhimbje të forta në këtë zonë.

Trajtimi: Nëse keni kapsllëk, vjellje, temperaturë ose ndonjë simptomë tjetër që e shoqëron këtë dhimbje, këto duhet të përmenden për të ndihmuar mjekun që të kuptojë se nga çka shkaktohet kjo gjendje. Disa probleme të zorrëve të holla mund të kërkojnë ndërhyrje kirurgjike.

8. Ulçera

Ulçera mund të shkaktojë dhimbje të forta në zonën e barkut. Ulçera shkaktohet nga acidi në stomak i cili dëmton indet themelore që veshin e sipërfaqen e brendshme të stomakut . Kjo mund të shkaktojë gjakderdhje të brendshme që mund të shkaktojë dëme serioze.Ngrënia e ushqimeve me mëlmesa ose ushqimeve acidike shkaktojnë më shumë dëme në indin e dëmtuar dhe më tej rrisin dhimbjen.

Trajtimi: Disa ilaçe ndihmojnë në riparimin e sipërfaqes së brendshme të stomakut dhe zvogëlimin e ankesave. Mjekët do t’ju tregojnë për mënyrat për të ndryshuar shprehitë tuaja të të ngrënit dhe mënyrën e jetesës për të ndihmuar në parandalimin dhe mos zhvillimin e ulcerave.

9. Disa Medikamente

Medikamente të cilat jepen për probleme të stomakut gjithashtu mund të shkaktojnë dhimbje rreth zonës të barkut. Kjo dhimbje mund të jetë një efekt i kundërt nga medikamenti dhe nëse nuk mund të absorbohet siç duhet nga trupi.

Trajtimi: Është e nevojshme të konsultoheni me një mjek për të përcaktuar nëse medikamenti ka efekte anësore të lidhura me tretjen.

10. Sëmundja e gurëve në fshikzën e tëmthit

Shumica e njerëzve që kanë gurë në fshikëz e tëmthit nuk kanë simptoma. Simptomat ndodhin vetëm nëse ekziston një ndërlikim. Simptoma më e zakonshme është dhimbja intensive duke filluar nga pjesa e sipërme e barkut dhe duke u përhapur poshtë. Kjo dhimbje ndodh periodikisht çdo disa ditë, muaj ose vite. Simptoma të tjera janë; të përziera, të vjella, ethe, fryerje, gromësim dhe verdhëz.

Trajtimi: Nëse shfaqen dhimbje të vazhdueshme, ethe dhe verdhëz, duhet të konsultohet një profesionist shëndetësore. Ndërhyrja kirurgjikale mund të kërkohet në rastet e avancuara të gurëve . Në rastet e lehta, duhet shmangur ushqimet yndyrore, duhet rritur konsumimin e lëngjeve dhe duhet përdorur ilaçe kundër dhimbjeve dhe për të zvogëluar gurin.

11. Sëmundja e Crohnit (sëmundja kronike dhe inflamatore e zorrëve)

Sëmundja e Crohn është një sëmundje që shkakton inflamacion në zorrë, që mund të shihet diku nga goja deri në rektum. Kjo sëmundje gjithashtu mund të shkaktohet nga shkaqe gjenetike dhe mund të shkaktohet edhe nga faktorë të mjedisit, si pirja e duhanit ose ndjeshmëria e madhe e trupit kundër baktereve. Kur sëmundja e Crohn përparon, mund të shkaktojë anoreksi, ethe, ngërqe në abdomen, kapsllëk, ulçerë në gojë, diarre ose gjakderdhje në rektum.

Trajtimi: Nuk ka shërim për sëmundjen e Crohn, por medikamentet mund të përdoren për të zvogëluar ankesat.

12. Operimi

Ata që operohen në zonën e barkut mund të përjetojnë dhimbje në atë pjesë të barkut. Kjo dhimbje mund të jetë e rëndë dhe e lehtë dhe gjithashtu mund të kenë kapsllëk ose diarre. Trajtimi: kjo dhimbje duhet të kalojë pasi efektet e operimit të kalojnë. /Familjadheshendeti.com

Shpërndaje