Fjalët e lotit

Nga Qëndresa Z. Bojaxhiu

Deshta vetëm fytyrën me ta pa
Që ta dij se a t’kam përngja
Deshta një herë zërin të ta dëgjoj
E ta dij se a e kam si ty njësoj

A mos vallë nuk më dëshiron ?
Për mua malli nuk të përvëlon ?
A mos jam për ty një cak i gabuar ?
Ç’të bëj, në ty zemrë më është lëshuar
Deshta të jem gjakftohët
E mos ta dëgjoj zemrën se çfarë më thot
Madje deshta edhe të të urrej
Por nevojën për ty çdo herë më fort e ndjej
Qëndroj në qyshin e dhomës, në errësirë
Duke menduar në ty, mbes e gëdhirë
Lotët i mbaj për vetën time
Mu aty ku askush s’më sheh
Dua që kjo të mbes në mes meje dhe Zotit
Këto fjalë që i shkruaj, janë fjalët e lotit. /Familjadheshendeti.com