Këto ditë pashë një kronikë rreth dallimeve në çmim të barnave, dallime të cilat janë enorme nga barnatorja në barnatore.
Ekzistojnë shumë faktorë:
- Dallime të tilla do të ketë përherë përderisa ka shumë barnatore që mbajnë barna ilegalisht dhe çmimi i tyre është dukshëm më i ulët se çmimi i barnave që hyjnë në formë legale, marrë parasysh që nuk paguhet doganë apo tatim për to, duke ndikuar në çmimin e tërësishëm të të njejtit bar.
- Pacientët tanë janë tejet laik dhe veq a e shohin banderollë në pako, ju mjafton ta marrin pa e parë se çfarë banderolle është (a përkon emri i barit me emrin në banderollë), pastaj kapen te çmimin pa marrë parasysh mënyrën si hyn në Kosovë, kushtet e ruajtjes dhe forma tjera që duhet të jenë primare rreth barit.
- Pacientët duhet të pranojnë të marrin prodhime paralele me emra të njejtë gjenerik, kur ju konvenon në çmim.
- Mjekët duhet të jenë bashkëpunues me farmacistët sepse shpeshherë nuk dijnë as çka ka në treg, është apo jo i licensuar produkti që e shkruajnë dhe pacientët maltretohen nga një barnatore në tjetren duke kërkuar po atë prodhim.
- Suplementet nuk do hyjnë në nivelizimin e çmimeve dhe kjo do bëj dallime të mëdha mes barnatoreve, marrë parasysh rrjetet e barnatoreve të formuara nga kompani barnash me produkte që i fusin vetë në Kosovë, kjo direkt dëmton ato barnatore si biznese individuale.
Uroj të bëhet nivelizimi i çmimeve, të ruhen pacientët tanë, të dal në pah vlera e farmacistëve të vërtetë dhe të ulet vlera e shitësve të cilët detyrohen ti japin ato prodhime të barnave që u’a imponojnë pronarët e kompanive ku punojnë.
Laureta Berisha Kosumi Farmaciste
